KAAPSE TOER

Geagte ouers,

Weereens groot verskoning vir al die uitstel van ons oueraand.  A.g.v. die oueraand wat nou nog nie plaasgevind het nie en hopelik uiteindelik Maandagaand sal plaasvind, gee ek die toerinligting aan u deur:

    1.      Die toerprogram sal Donderdag vir die orkeslede uitgedeel word.  Daar sal u presies kan sien wanneer is ons waar, watter etes is ingesluit by toerprys en vir watter etes is u kind self verantwoordelik.

      2.      Ek het slegs een antwoord terug ontvang van ‘n orkeslid wat nie kan gaan toer nie en die toerprys is dus vasgestel en gedeel deur die res van die orkeslede wat oorbly.

     3.      Die toerprys in R3,900.00 per orkeslid wat luukse busvervoer, verblyf in puik plekke en alle ontbyte, toegang by plekke wat ons besoek en sekere middag- en aandetes insluit.  Ek het nou al heelparty sms’s en eposse in hierdie verband gekry waar ouers wil seker maak dat die prys korrek is.  Jip, dis reg, want daar is nie ‘n middelman wat ‘n fooi kry nie en u moet ook in gedagte hou daar is baie etes wat die kinders self moet betaal soos byvoorbeeld elke dag wanneer ons op die pad is.  Maar ons sal altyd stop waar daar bekostigbare eetplekke is. Ek het deeglik uitgevind dat dit goedkoper is om self te sorg vir ons middagetes as om dit te bespreek of in te sluit by die plekke waar ons woon.

Ek het regtig baie moeite gedoen om die toerprys so laag as moontlik te hou, want ek wil so graag hê dat elke orkeslid moet saamgaan en hierdie hoogtepunt mee maak.

     4.      Die toerprys wat ek destyd beraam het, het ongelukkig opgegaan omdat ons bus duurder is en ek ontbyte in Knyse by die gastehuise bygevoeg het.

     5.      Ek maak glad nie voorsiening vir ouers nie.  Indien u Knysna of Kaapstad toe gaan, is dit vir u eie reëlings en betaling.  Ek kan u slegs insluit by Tafelberg en die bootrit.  Dit is R120 en R40.  U moet my asb dringend laat weet indien ek dit vir u moet bespreek en die geld ook by die skool inbetaal onder u eie naam (ORKES-Toer-U eie naam en van).  Ek handel hierdie besprekings hierdie week af.

     6.      Nou die slegte nuus wat ek ongelukkig moet oordra…  Die toergeld moet ten volle inbetaal wees op die laatste teen Woensdag, 5 Junie by die finansieskantoor. L

EK WIL BAIE VRIENDELIK MAAR BAIE BAIE DRINGEND VRA, GEEN LAAT BETALINGS HIERDIE KEER NIE ASSEBLIEF!!!!  Dit maak dit vir my uiters moeilik en bring my erg in die verleentheid as u nie by afsnydatums hou nie.  Ek moet, soos u sekerlik uit ondervinding met vakansiehuise ens. weet, alle blyplekke moet vooraf TEN VOLLE betaal wees.  Wat dit vir my moeilik maak is dat die skool sluit en dat die kantore betalings net tot op ‘n afsnydatum dien – tyd is dus nie in my hande nie.  Alle aktiwiteite moet op die laatste 10 Junie alle finansies aanvra vir die vakansie anders word daardie betalings oorgelaat na volgende kwartaal – rede, alle gelde moet reeds op die skool se bankstate wys voordat die geld vir my beskikbaar is om uit te betaal.  Ons bus moet byvoorbeeld ten volle betaal wees op 7 Junie.  Ek glo u sal die dringendheid van betyds betaal kan insien en ek versoek u dringend en baie vriendelik dat u dit sal respekteer asseblief.

Ouers, dit gaan dalk nou bietjie rof klink, maar as ek nie u kind se geld betyds kry teen 5 Junie nie, haal ek u kind se naam van die lys af.  Ek kan nie ons verblyf en busgeld laat betaal en moontlik verloor omdat ouers ons dringende versoeke ignoreer nie.  Ek het ‘n verantwoordelikheid teenoor die hele groep om na te kom.  Ek glo dat u 100% hiervoor begrip het. J

     7.      Alle toergeld word elektronies oorbetaal of u kind kan dit self direk by die kantoor gaan inbetaal.  Die rekeningbesonderhede is soos volg:

REKENINGNAAM                HOëRSKOOL WATERKLOOF

BANK                                      ABSA

REKENINGNOMMER          3490 1444 54

TAKKODE                              336 445

Verwysing:                           ORKES-Toer-U kind se naam en van

MOET ASB NIE U EIE VERWYSING GEBRUIK NIE!  Indien u afwyk van bogenoemde verwysing, gaan die geld NIE op ons staat wys nie en u sal self moet inkom skool toe om dit reg te stel.  Ek mag nie ouers se gelde rondskuif nie.

Hou ook in gedagte dat indien u nie by ABSA is nie of u betaal per tjek, dat u geld nie dadelik op die skool se rekening wys nie.

Laastens kom ek ook na u toe met ‘n versoek vir hulp.  Ek het hulp dringend nodig met finansies vir van ons kinders.  Kontak my asseblief indien u my kan help.  Hierdie saak word uiters vertroulik hanteer, maar feit bly, ek het asseblief dringend hulp nodig.

Groete en ek hoop u geniet die ou af daggie!!

ONTHOU, DIS WEER EERSKOMENDE NAWEEK, NAWEEKOEFENING!! J

Danie

D.J.F. SMITH

HOëRSKOOL WATERKLOOF

DIREKTEUR KULTUUR

KONSERTORKES: DIRIGENT

Selfoonnommer:  082 853 8698

Telefoonnommer (skool):  012 – 347 0277 X 130

Faksnommer:  086 512 8755

Danie Epos Nr 12: 15 April 2013

Oueraand uitstel

Geagte ouers,

Net ‘n vinnige nota om te versoek dat ons ons oueraand van vanaand met ‘n week sal uitstel.  Ek is besig om ons Kaapse toer se finale reelings te tref en ek kry hierdie week 2 kwotasies vir die oorsese toer vir volgende jaar.

Die inligting is bietjie laat en daarom gaan ek nie vanaand daarmee gereed wees nie.

Groete!!

Danie

Epos Nr 12:

Geagte ouers.

   1.  ORKESKAMP

Ek wil in die eerste plek vir Engelette, Peter en Cobus  asook Terrence en Matthys baie baie dankie sê vir hul harde werk gedurende die kamp.  Julle het wonderwerke verrig met ons kinders, ons waardeer dit ongelooflik baie!!

Dan wil ek vir ons hoofleiers, Gideon en Estiaan ook baie baie dankie sê vir julle harde werk en veral vir al julle reëlings gedurende die kamp.  Die kamp sou nie so suksesvol gewees het sonder julle twee se harde werk nie.  Baie dankie aan ons Konsertmeester, Jacques vir jou harde werk en ook vir die harde werk in die seksie waarvoor jy verantwoordelik was.  Julle drie was voorwaar my linker- en regterhande.  Julle is puik leiers en ek respekteer julle vir dit wat julle vir my en die orkes gedoen het.

Baie dankie ook aan al die leiers wat net so hard gewerk het asook ouers wat hard agter die skerms gewerk het.  Ons het groot waardering vir elkeen se hulp, hetsy dit finansieel was of met enige ander hulp.

    2.  WEEKPROGRAM

2.1             Dinsdag:  Oefening 14:30 – 17:30

2.2             Donderdag:  Oefening 14:30 – 17:30

2.3             Vrydag en Saterdag:  Naweekoefening en ontvangs van Hoërskool Oosterland.

Ons sal gewone tye oefen (Vrydag 14:30 – 21:00) en Saterdag (08:30 – 17:00).

Etegeld is steeds R60 vir die naweek en Vrydag betaalbaar.

Laastens rig ek ‘n versoek van die kinders af aan u.  Dit raak nou baie koud en die kinders vra toenemend vir Hot Chocolate.  Sal u so vriendelik wees om indien moontlik, vir ons hot chocolate te skenk?  Ons sal dit BAIE waardeer, veral hierdie naweek waar ons in die klasse gaan oefen en dit regtig baie koud is. 

HELP ASSEBLIEF… DIS KOUD!!  J

     3.  EKSAMEN vs OEFENPROGRAM

Dit is een van die dae weer eksamentyd.  Ek wil u net weer daaraan herinner dat ons in eksamentye glad nie in die week oefen nie, maar u sal sekerlik ook verstaan dat ons nie kan ophou oefen nie.  Daarom oefen ons in eksamentye net gedurende naweke.  U begrip en u kind se teenwoordigheid is noodsaaklik.

    4.  KAAPSE TOER 2013

Die toerreëlings is al redelik vêr afgehandel.  Ek wag nog net vir finale bevestiging vanaf Knysna en Kaapstad se waterfronte dan kan ek die finale toerprogram aan u beskikbaar stel.  Ek heg vir u my beplande program aan, maar hou in gedagte, ek moet vir baie optredes nog bevestiging kry.  Dit wat met rooi gemerk is se antwoorde of finale bevestiging is nog hangend.

    5.  BUITELANDSE TOER 2014

Ek het reeds een kwotasie ontvang en wag nog vir ‘n ander een wat my hierdie week sal bereik.  Ek hoop om dit alles gereeds te hê vir volgende week week Maandagaand.  Ek sal u op hoogte hou.

D.J.F. SMITH

HOëRSKOOL WATERKLOOF

DIREKTEUR KULTUUR

KONSERTORKES: DIRIGENT

Selfoonnommer:  082 853 8698

Telefoonnommer (skool):  012 – 347 0277 X 130

Faksnommer:  086 512 8755

Kamp Ekstra en laat foto's