Geagte
ouers.
Sjoe,
die eerste wilde kwartaal is verby!!!
Baie
dankie aan al die ouers wat vir my en in besonder die orkes ondersteun het.
Sonder ons ouers se positiwiteit en ondersteuning sal ons nie suksesvol kan
wees nie!
Ontvang
hiermee die epos wat handel oor ons kamp.
1. KAMPGELD
1.1
GEEN
kampgeld moet nou meer by skool inbetaal word nie. Uitstaande gelde moet
direk by my in kontant inbetaal word op die laatste teen maandagmiddag 14:00.
1.2
Ouers
wat vir die braai bespreek het teen R80 per persoon (3 vleise, slaai, pap en
sous), moet die geld in aparte koevert plaas en by Danie inbetaal voor
Woensdag.
2. KAMPPROGRAM
2.1
Program: Die orkeslede sal Dinsdag elkeen ‘n kampprogram ontvang. U
sal merk dat hierdie ‘n redelike harde oefenkamp is en dat daar nie tyd vir
speel of droogmaak is nie. Daarom is dit uiters noodsaaklik dat u en u kind na die kampreëls kyk en dat u met u kind
daaroor sal praat. ENIGE kind wat vir my ‘n probleem skep, sal onmiddelik
die kamp en orkes moet verlaat.
2.2
Ouers moet program deeglik bestudeer en hulle vergewis van al die reëls en ook
die saamvat-lys.
2.3
Die program sal ook op die blog wees (klofieorkes.blogspot.co.za).
[Beskikbaar bo-aan die Blog onder die opskrif:"KAMPPROGRAM 2013"]
[Beskikbaar bo-aan die Blog onder die opskrif:"KAMPPROGRAM 2013"]
2.4
Die kampprogram is slegs ‘n riglyn en die vordering van die kinders bepaal die
program.
2.5
Indien daar enige aspek / aktiwiteit van die kamp is waaraan u kind nie mag
deelneem nie, moet u dit dadelik op epos onder my aandag bring. Indien ek
geen epos van u ontvang nie, aanvaar ek dat u kind aan alle aktiwiteite,
vervoer en funksies op die kamp mag deelneem.
3. PERSONEEL
WAT SAAM GAAN KAMP
Die
persone wat my met die kamp gaan help is:
3.1
Terrence Cole (gasdirigent en repiteur)
3.2
Peter van der Poel (Koperblasers en perkussie, asst. dirigent)
3.3
Engelette Kruger (Houtblasers en klawers / strykers)
3.4
Cobus Zeeman (Kitare)
3.5
Dan gaan Jacques Tredoux my help met die strykers en Kolonel Matthys Pienaar
(Suid-Afrikaanse Lugmagorkes) kom ons help met ‘n stuk wat hy gekomponeer het.
4. OUERDAG
Ek
wil u almal hartlik uitnooi om ins ouerdag op 6 April by te woon. Die reëlings
is soos volg:
4.1
10:00
Ouers arriveer by die hoofkamp, Kwalata.
4.2
11:00
Die orkes tree op in die restaurant om te demonstreer wat hulle vir die week
gedoen het.
2.3
12:30
Vertrek na Phiri-kampterrein waar ons gebry het. Ouers doen inspeksie in
die kamers.
2.4
13:00
Wanneer ons arriveer behoort die vleis klaar gebraai te wees, dan kan ons eet!
2.5
14:30
Last Post blaas – ALMAL staan doodstil en op aandag. Dit kondig die einde
van die kamp aan. Die kinders vertrek dan saam met hul ouers
huistoe.
LW- daar is NIE ‘n bus terug skool toe nie. Die orkeslede neem AL hul
toerusting, instrumente, staanders ens. saam met hulle.
5. SELFONE
5.1
GEEN kind sal ‘n selfoon gebruik gedurende oefentye nie.
5.2
Indien ‘n kind met ‘n selfoon gevang word, sal die selfoon vir die res van die
kamp afgeneem en toegesluit word.
5.3
Hul kan wel hul selfone gedurende breuke gebruik. U kan ook op ons
program kyk wanneer is tee- en etenstye.
5.4
Slegs die 2 hoofleiers, Gideon en Estiaan asook die konsertmeester Jacques, mag
hul selfone by hul hou SLEGS VIR KOMMUNIKASIE MET MY!!
5.5
Indien daar ‘n noodgeval is en u moet dringend ‘n boodskap by u kind uitkry,
dan moet u my skakel.
5.6
Indien u my nie in die hande kry nie, kan u vir Hester by Kwalata skakel by
012-711 8200. Maar dit is slegs in noodgevalle.
6. “ROMANSE”
Nie
ek of my leiers gaan nie agter kinders aanloop om hulle te soek waar hul
romanties in donker hoekies verkeer nie. Hierdie is NIE ‘n kamp vir
romanse nie – dit hoort by die huis onder u toesig. Indien kinders
hierdie reël oortree, sal ek u skakel en u moet die kinders onmiddelik kom
haal. U moet hierdie punt met u kind bespreek en hulle waarsku.
7. VERVOER
7.1
Die orkeslede kom Sondag, 31 Maart in die skool se parkeerterrein bymekaar waar
die busse om 12:30 gepak word.
7.2
Die bus vertrek 13:00. LW- daar is NIE ‘n bus terug skool toe op 6 April
nie. Die kinders gaan saam met hul ouers huistoe.
8. VERBLYF
Die
kinders het hulself in die kamers ingedeel en daar sal geen veranderings gemaak
word nie. Sien indelings in program.
9. DIENSGROEPE
Die
orkeslede is almal in diensgroepe ingedeel om sekere take te verrig. Hul
het nie ‘n keuse as om te help met die daaglikse take nie!! Daar sal
opgetree word teen die kinders wat lui is en nie wil help nie… J
10.
NUWE LEDE
10.1
Die nuwe lede is ook ingedeel om met sekere take te help. Ons is ‘n
tadisieryke orkes en almal is deel daarvan. Indien ‘n kind NIE deel van
ons tradisies wil wees nie, is dit sy/haar goeie reg en keuse. U hoef nie
bekommerd te wees dat daar”ontgroening” is waar u kind verdeder sal word
nie. Dis nie deel van ons tradisies nie. Daar is wel ander skoon
pret. Maar ek sê weer, elke kind kry die keuse om saam te speel of
nie. Indien u kind nie wil deel wees van ons pret nie (soos seniors se
etes te bedien, volgens die temas aan te trek, konsert te hou, met eiers gegooi
te word ens nie, moet u dit vir my asb per epos laat weet.
10.2
Die nuwe kinders moet ook elke dag volgens ‘n tema aantrek (sien
kampprogram). Hul moet baie kreatief wees SONDER om geld daarop te
spandeer.
11.
POTJIEKOS
Die
kinders is in potjiekosgroepe ingedeel per loting. Hul ontvang al die
bestandele by die kamp. Al waarvoor hul moet sorg is hul tema en
dokorasies om hul temas uit te beeld. Help u kind asseblief! J
12.
SAAMVATLYS
Ek het vir u ‘n saamvatlys in die
kampprogram gesit. Pak asb daarvolgens. Dit is belangrik om te weet
dat ons verblyf en oefenlokaal ongeveer 2km uitmekaar is en dat ons heen en
weer gaan pendel met wildkyk-voertuie. Die kinders moet dus warm baadjies
vir die laataande saamneem, moenie dat die somer hul bluf nie!! Dis
redelik koel 23:00 in die aand in die veld!! Ons oefen baie hard en hul
kele en liggame gaan warm wees. Ek is bang hul word siek.
D.J.F. SMITH
HOëRSKOOL WATERKLOOF
DIREKTEUR KULTUUR
KONSERTORKES: DIRIGENT
Selfoonnommer: 082 853 8698
Telefoonnommer (skool): 012 – 347 0277 X 130
Faksnommer: 086 512 8755
No comments:
Post a Comment