Klofie Konsertorkes Nuus: ABRAM KRIEL KINDERHUIS 2012

Geagte Ouers.

Aangeheg sal u ‘n opdatering van ons Jaarprogram vind asook die tradisionele wenslysies van die Abram Kriel kinderhuis (Langlaagte).

1. JAARPROGRAM [Opgedateer bo-aan die blog - Ed]

1.1 Ek het per abuis die datums op die “Optreelys” nie volgens ons Jaarprogram opgedateer nie. Dis nou reg gemaak.

1.2 Die afsluitingsfunksie vir die orkeslede is op 27 Oktober by Dietrich (sien adres op vorige epos). U laai u kind 17:00 af en laai hulle weer op die laatste teen 20:30 op. Onthou die R20 wat by Dinsdag se oefening inbetaal moet word.

1.3 Die Vlootorkes se Gala-aand is 3 November. Sien Jaarprogram vir detail.

2. ABRAM KRIEL KINDERHUIS

2.1 Ons orkes is al die afgelope paar jaar betrokke by die Kersfeeswenslysies van die Abram kriel Kinderhuis te Langlaagte.

2.2 Ons het die afgelope paar jaar dit reg gekry om vir ELKE kind ‘n persentjie te kon gee. Orkeslede het hul sakgeld al ingeboet hiervoor, familie en vriende word betrek. Dis nou weer sulke tyd.

2.3 Die wenslysies het gearriveer. Ek heg dit aan. Kyk asseblief daarna en laat weet my vir watter kinders in watter huisie u en u vriende en familie gaan instaan.

2.4 Hierdie is uiters moeilik om te koordineer, daarom versoek en die volgende:

2.4.1 Epos asseblief of u betrokke wil wees JA of NEE

2.4.2 Indien JA, moet u vir my aandui watter kinders in watter huisies u voor gaan sorg. U kan my skakel, want dan kan ek dadelik sê of die kind / kinders al gevat is, anders epos alles vir my en ek sal u antwoord. Indien die kind reeds geneem is, sal ek u dadelik plaas by ‘n ander kind wat nog nie geneem is nie maar wat dieselfde geskenk vra of u kan self ‘n ander kind kies!

2.4.3 U sal gereeld opdaterings kry van wie sorg vir wie.

2.4.4 Die kinderhuis se versoek is dat GEEN geskenk bo R200 moet wees nie.

2.4.5 Die kinders het 2 wense neergeskryf. U kan enige van die 2 wense gebruik.

2.4.6 U moet die persente toedraai en slegs die kind se naam en van + die huisie waarin hy/sy is, daarop skryf. Op Kersdag probeer die Kinderhuis om ‘n huislike atmosfeer te skep deur geskenke uit te deel en die kinders te bederf. U MAG NIE U EIE NAAM OP DIE PAKKIE SKRYF NIE! Geen vorm van u eie inligting / identifikasie mag saam met die geskenk gaan nie.

2.4.7 Al die geskenke moet op die laatste teen Vrydag, 2 Desember by my wees. Die leiers en ek neem dan die persente na Abtam Kriel Kinderhuis se kantore te Langlaagte.

Ek wil u almal weer versoek om u vriende en familie hierby te betrek. Kom ons kyk of ons weer hierdie kinders se hart kan bly maak!! Ons orkes het baie om voor dankbaar te wees, daarom kan ons nou terug gee aan ander wat nie so bevoorreg is soos ons nie.

Ek versoek asseblief dat u elkeen op my epos moet reageer sodat ek weet of u betrokke gaan wees aldan nie.

Ek sien met groot afwagting uit na u antwoorde en kinders se name!!

Groete!

Danie

Daar is nege huise wat relatief onafhanklik funksioneer om sover moontlik 'n huislike atmosfeer te skep. Elke huis het spesifieke behoeftes of wense waarin almal in die huis deel. Hier is die opsomming van elke huis se wense:

Click om te vergroot: