Geagte ouers,
In die eerste plek wil ek baie baie dankie sê vir die pragtige geskenk wat ek Saterdagaand by die orkes ontvang het – ek waardeer sulke gebare ongelooflik baie en dit beteken vir my ongelooflik baie. Dis hierdie tipe gebare waaraan ‘n mens vasklou in dae wat dit nie goed gaan nie en ‘n mens se gemoed maar laag is!! Hierdie geskenk beteken regtig baie vir my.
Baie geluk aan die ouers wie se kinders tot leiers verkies is. Ons Hoofleier vir 2013 is Gideon Zeeman en die Onderhoofleier is Estiaan du Preez. Met julle twee aan die stuur van sake, kan dit net weer ‘n briljante jaar wees. Die ander leiers is Michelle Hartzenberg, Jacques Tredoux, Annette Cilliers, Lumar Schutte, Nerina Naude, en Ineke Stemmet. Die pos van Konsertmeester is vakant. Jacques Tredoux sal waarneem totdat ek die konsertmeester gedurende Januarie 2013 aanwys.
Baie geluk aan ons trofeewenners:
1. BESTE VORDERING Alexander de Kock
2. BESTE SOLIS Michelle Hartzenberg
3. LEIER VAN DIE JAAR Gideon Zeeman
4. MEELEWINGSTROFEE Estiaan du Preez
4. BESTE ORKESLID Gideon Zeeman
Ek is baie trots op hierdie span orkeslede – julle verdien hierdie trofees. Soos wat ek Saterdagaand ook vir die orkes gesê het, ELKE orkeslid verdien elke trofee soos hierbo genoem.
Net ‘n kort epos met die volgende reëlings:
1. OUERAAND
Vanaand se oueraand sal ongelukkig verskuif moet word. Die toeragentskap het nog nie al die inligting vanaf Amerika ontvang nie en hy kon nie die kwotasie en voorlegging voltooi nie. Sodra hierdie in plek is, kan ons ons oueraand hê.
2. OEFENPROGRAM
A.g.v. al die ekstra klasse hierdie week, sal ons NIE Dinsdag kan oefen nie. Gideon het die orkes bymekaar gekry en hulle het besluit om Vrydag 14:30 – 17:30 vir Saterdagaand te oefen.
Gedurende hierdie oefening kry die kinders die Kerssangdiens se musiek en gaan ook voorberei vir Saterdagaand se Vlootorkes Gala-aand.
3. VLOOT GALA-AAND
Die reëlings is soos volg:
3.1 Die jaarlikse Vlootorkes Gala-aand vind plaas op Saterdagaand 3 November in die ZK Mattheuws Ouditorium. Dit is ‘n absolute hoogtepunt om hierdie prestige geleentheid saam met ministers, generaals, burgemeesters ens. by te woon.
3.2 Ons vertrek om 16:30 vanaf die skool per bus en die seuns moet klaar hul konsert hemp en broek aantrek en die meisies trek hul orkes T-hempie en denim aan en trek klaar by UNISA aan. Ons stel om 17:00 op met klanktoetse en begin 18:00 speel. Dan moet ons binne protokol begin werk – dus is tyd van kardinale belang. Ons sit weer langs die rooi tapyt en speel waar al die groot koppe arriveer!
3.3 Ons ouers sit enige plek in die ouditorium en ek wil u ten sterkste aanraai om reeds 18:20 u plekke in te neem sodat u ‘n goeie sitplek kan kry. Die drag is formeel.
3.4 Daar is NIE ‘n bus na afloop van die konsert nie. Die kinders ry saam met hul ouers huistoe en die kinders moet hul instrumente en staanders saam met hulle neem.
Vriendelike groete.
Danie
D.J.F. SMITH
HOëRSKOOL WATERKLOOF
DIREKTEUR KULTUUR
KONSERTORKES: DIRIGENT
Selfoonnommer: 082 853 8698
Telefoonnommer (skool): 012 – 347 0277 X 130
Faksnommer: 086 512 8755
