Geagte Ouers.
Vriendelik vra ek om verskoning dat ek so lanklaas
gekommunikeer het. Ek was vir 10 dae in die hospitaal en kommunikasie was
nie moontlik nie.
1.
PROGRAM
Ons program vir die week is soos volg:
1.1
Dinsdag, 24 Maart (14:30 – 16:00): Orkes
word ten volle ingelig oor die kamp en ontvang die kampprogram. Ek is
bewus daarvan dat die skool vroeg uitkom, maar daar is orkeslede wat by die
revue-oefeninge betrokke is en ons het ook hellwat leerders van ander skole wat
normale tyd eers uitkom.
1.2
U sal na vanmiddag ook die volledig kampprogram
ontvang waarop alle kamerindelings, take ensovoorts op is.
2.
KAMP
2.1
Ek heg my opsomming van inbetalings aan soos wat
ek dit gister van die kantoor af ontvang het. Maak seker dat u
inbetalings korrek is en kontak my dadelik indien daar ‘n fout op is.
2.2
MOET GEEN GELD
MEER BY DIE SKOOL INBETAAL NIE!!! Indien u nou nog geld moet inbetaal,
kontak my asb baie dringend.
2.3
Volgens die inbetalingslys is daar net ses
gesinne wat die braai gaan bywoon. U moet my asb baie dringend laat weet
hoeveel van u (onthou, u gesin + u orkeslid) gaan die braai bywoon. Kwalata bestel
hul vleis op Maandae en ek moet Sondag wanneer ons daar arriveer, die getal
bevestig en die orkeslede en ouers se R85é inbetaal. Hierdie R85é word in
koevert geplaas met kind se naam, getal en bedrag daarop. Gee dit asb
Sondag by die bus vir Renee Hartzenberg. Hul aanvaar net die getal
waarvoor ek betaal. Moet asb nie uitmis op hierdie ongelooflike kuier
nie. Dis werklik baie mooi daar en die atmosfees is uit die hemel.
2.4
Vir die braai bring u slegs u eie drinkgoed,
gazebo’s (die son is baaaie warm) en kampstoele. Kwalata verskaf die vleis,
slaaie, pap en sous en eetgerei.
2.5
Alle ouers met uitstaande kampgeld moet my asb
dringend kontak.
2.6
Al die tye waarop ons werk is soos wat dit op
die kampprogram aangedui is. Leerders moet asseblief betyds by die bus
wees Sondag sodat ons op tyd kan vertrek.
2.7
Ek wil u almal weereens uitnooi om die konsert
en braai Saterdag, 4 April by te woon. U sal nie glo wat u gaan sien en
hoor nie – dis ‘n belofte! Die hoogtepunt van ons kamp, u mag dit nie mis
nie! Aangeheg is padkaart na Kwalata.
2.8
Daar is nie ‘n bus terug skool toe na afloop van
die kamp nie. Die orkeslede ry saam met hul ouers terug huis toe ba
afloop van die braai (ongeveer 14:00).
2.9
Elke persoon wat die natuurbewaringsgebied binne
kom, moet R20 bewaringsfooi betaal. U kaartjie word by Kwalata gestempel
waar u u fooi betaal. Daar is NIE toegangsfooi nie, slegs die
bewaringsfooi. Die orkeslede se bewaringsfooi is reeds by hul kampgeld
ingesluit.
2.10
Indien daar enige vrae oor die kamp is, kontak
my dadelik.
2.11
Wanneer ek die kampprogram teen more vir u
stuur, sal ek meer inligting deurgee indien daar vrae is.
2.12
Laastens wil en baie baie dankie sê vir u
samewerking met die betalings. Ek weet dis baie geld, maar u sal NIE spyt
wees nie! Wag maar tot Saterdag… J
Vriendelike groete!!
Danie
Danie Smith
HOëRSKOOL WATERKLOOF
DIREKTEUR KULTUUR &
KONSERTORKES
Sel: 082 853 8698
Tel (skool): 012 – 347 0277 X
130
Faks: 086 512 8755
No comments:
Post a Comment