Naweekoefening 6 en 7 Mei 2014

Geagte Ouers.

NAWEEKOEFENING

     1.       UITPAKINSPEKSIE

Die hele orkes staan Vrydagmiddag om 14:00 uitpakinspeksie im my klas.  Ons kan nie direk saal toe gaan nie omdat daar eksamen in die saal is tot 14:30.

     2.       ETEGELD

Onthou asb u kind se R80 etegeld vir die naweek.  Etegeld word direk by Mev. Vermaak by die ete Vrydagaand inbetaal.

     3.       NAWEEKPROGRAM

Vriendelik, maar baie dringend, versoek ek u dat daar asseblief nie weer hierdie naweek so baie afwesighede moet wees nie. Dit maak ons oefeninge bitter moeilik en kinders wat afwesig is staan ‘n groot kans om nie saam met ons op te tree nie.

DAG	TYD	BESKRYWING	VERANTWOORDELIK
Vrydag, 6 Junie	14:00	Uitpakinspeksie in Mnr Danie se klas	Lumar
	14:30	Oppak en verdaag saal toe.  Maak verhoog reg en rol klankstelsel uit.	Lumar Wian
	15:00 – 17:30	Oefen volledige repertoir.	Mnr Danie Smith
	17:30 – 18:00	Aandete	Mev Vermaak
	18:00 – 20:00	Oefen volledige program	Mnr Danie Smith
	20:00	Maak saal gereed vir Saterdag se funksie. OUERS WAT SAAM GAAN TOER, VERGADER IN DIE OUDITORIUM.	Lumar, Leiers Mnr Danie Smith
	21:00	Sluit af.	Leier aan Diens
Saterdag, 7 Junie	08:30	Orkeslede trek blou denim en orkeshempie met drimac aan vir die ontvangs van nuwe afrigter.  Nuwe lede trek skool se LO-hempie en Drimac aan. Opening en ontbyt. Lede wat inspeksie gedruip het, staan weer inspeksie.	Leier aan Diens en Mev Vermaak Lumar en Alex
	09:00 – 10:30	Open op verhoog. Oefening gaan voort.	Lumar, Leier aan Diens
	10:30 – 11:00	Verjaarsdagkoek. Nuwe afrigter sluit by ons aan.	Mev Vermaak Mnr Danie
	11:00 – 13:00	Oefening gaan voort.	Mnr Danie
	13:00 – 14:00	Middagete saam met die nuwe afrigter.	Leier aan Diens Mev Vermaak
	14:00 – 16:00	Finale oefening vir ouerkonsert.	Mnr Danie
	16:00	Maak gereed vir konsert. Bere instrumente in kassies in die personeelkamer.	Lumar en leiers Alex
	16:30	Orkeslede ontvang hul ouers in voorportaal en gaan sit by tafels.	Leiers
	16:45	Tafelgebed en ete.
	17:15	Orkeslede en ouers word voorgestel.
	17:30	Orkeslede warm op in personeelkamer terwyl ouers kuier en klaar eet.
	17:30	Innibos Nasionale Kunstefees Konsert	Mnr Danie
	18:30	Regpak van saal, gesamentlike afsluiting (ouer en kinders).	Mnr Danie
		Verdaag na afsluiting.

Die leiers, onder leiding van ons konsertmeester Cariné Kruger, het my gevra om die volgende uitnodiging na ons “New Beginnings Innibos Kunstefeeskonsert” aan u te stuur:

U word deur u kind uitgenooi na 'n kuier en konsert, Saterdag direk na afloop van die naweekoefening.

Ouers moet asseblief om 16:30 in die skoolsaal se voorportaal arriveer waar u kind u sal kom ontvang.

U en kind sal dan heerlik saam met u en u gesin en vriende eet nadat die tafelgebed

deur ons hoofleier, Lumar Schutte gedoen is.

U kinders gaan teen daardie tyd lekkerrr honger wees.

Bring u eie piekniekmandjie met iets om te eet en te drink.

Direk na die ete sal al die orkeslede en ouers aan mekaar voorgestel word.

Na afloop van hierdie seremonie sal die orkes optree met hul Innibos Kunstefeesprogram.

Ons vra dat orkeslede en ouers asseblief sal help om na afloop van die optrede weer die saal reg te maak vir Maandagoggend se eksamen wat in die saal plaasvind. ELKE kind se samewerking word vereis.

Sodra alles netjies is, kan ons verdaag.

Laat weet asseblief vir Mev. Engelette Kruger by engelette@gmail.com hoeveel mense die funksie gaan bywoon.  Indien u nien teenwoordig kan wees nie, bring dit ook asseblief onder Engelette se aandag sodat ons kan seker maak u kind het kos om te eet Saterdagaand.

Ons Hoop om u almal Saterdagaand daar te sien!!

Ouers, daar is nog net 3 kamers op vir ouers by die Innibosfees.  Kontak my dringend asb!!

Vriendelike groete.

Danie

D.J.F. SMITH

HOëRSKOOL WATERKLOOF

DIREKTEUR KULTUUR

Sel:  082 853 8698

Tel (skool):  012 – 347 0277 X 130

Faks:  086 512 8755