Jaco en Ané se Toer in Europa saam met Miagi 2014

Jaco en Ané tree vanaand op in die  "Berliner Philharmonie" 

 https://www.facebook.com/BerlinerPhilharmonie

Wat 'n voorreg om hier te speel!

Jaco gee Meestersklasse op die toer

Soos Danie hom geleer het maak hy ALTYD sy instrument skoon voor 'n optrede!

Maestro, dink jy Jaco gaan vanaand sy inspeksie slaag voor hul optrede by die "Berliner Philharmonie"?

INNIBOS Toer 2014: Finale reëlings voor ons vertrek

Klik op Logo om na die Innibos website te gaan

Die nuwe toerbaadjies
Geborg deur Mnr Sarel Roux van S Roux Ingelyf (Prokureurs) 

Geagte ouers.

In die heel eerste plek wil ek baie dankie sê aan u elkeen vir die ondersteuning wat ek gekry het met die reëlings van die toer, veral finansieel.  In ‘n bitter kort tydjie het u die R3000 toergeld inbetaal asook hempies en ander gelde.  Ek waardeer ook u vertroue in my en ook u begrip met my situasie, veral in Nelspruit.

U moet asseblief glad nie huiwer om my te kontak met enige vrae nie.

Baie dankie ook aan al die ouers wat so hard werk agter die skerms om hierdie toer glad te laat verloop – ons waardeer elkeen van u se insette!!

Hier is Werner van Zyl besig om die geraaswa te diens voor ons die lang pad aandurf Dinsdag!  Hy doen dit na werk in die aande in die koue. Baie dankie Werner, jy's 'n ster! 

BAIE DANKIE!!

Ek wil ook namens myself en die orkes baie baie dankie sê aan Mnr Sarel Roux van S Roux Ingelyf (Prokureurs) wat vir ons ons amptelike orkesbaadjies skenk en Mev Rose Burger wat vir ons ons t-hempies geskenk.  Ons is baie baie dankbaar daarvoor en waardeer dit opreg.

Baie dankie ook aan mnr DJ du Preez, eienaar en geregistreede toeroperateur van Into Africa Safaris ( DJ: 076 293 2133) wat saam met ons in die bus gaan wees met die toer Dinsdag.  Hy gaan ons na spesiale plekke toe vat en alles daarvan vertel en hy het ook geweldige afslag op vele plekke vir ons gereël sodat my begroting kon klop sonder dat u meer moet betaal.  Hy skenk ook vir ons pragtige Klofie orkes mussies (beanies).  Ons is baie dankbaar vir al sy hulp en ondersteuning!!

 

Die baadjies word uitgedeel (Vrydag 8:00):

Ek wil net ‘n paar punte uitlig:

      1.    Ek vertrek al eerskomende Sondag al Nelspruit toe waar ek koordinerende vergaderings moet bywoon.  Indien daar enige snaakse veranderings ensovoorts is, sal ek die ouers wat saam op toer is via WhatsApp kontak en inlig.

    2.       Al die kinders moet asb voor Vrydag 11 uur ALLES uit die orkeskamertjies gaan uithaal.  Mnr Hartzenberg en die perkussiekinders (soos wat op die program aangedui is) gaan Maandagmiddag 17:00 die Geraaswa pak.  Dan sal die saal weer oop wees.  Die saal gaan NIE Dinsdagoggend 3 uur oop wees nie!!!

     3.       Die vertrek Dinsdagoggend gaan soos volg werk:

3.1          Die bus en kinders arriveer OP DIE LAATSTE 02:50 (jammer daaroor…  J).

3.2          Die bus word 03:00 gepak en vertrek 03:15. 

3.3          Die kinders vertrek met lekker warm klere en met die blou orkes t-hempie en denim.

3.4          Die kinders mag slegs padkos en hul warm kombers/duvet en 1 kussing IN die bus in neem – GEEN SAKKE OF TASSE!!!! 

3.4          Die ouers wat saam met die kinders in die bus ry moet toesien dat GEEN lomp sakke en bagasie binne in die bus gelaai word nie.

3.5          Pak asb vir u kind ontbyt. Ons ry bitter vroeg en gaan vroeg al verby die One Stop – te vroeg vir ontbyt (maar net nie eiers nie asb!! L - grappie).

3.6          DIE BUS VERTREK STIPTELIK 3:15 EN GAAN VIR GEEN KIND WAG NIE.  Kyk na die program vir die dag, dan sal u verstaan hoekom ons ongelukkig so vroeg moet vertrek!

3.7          Elke kind en volwassene op toer moet asb R95 in ‘n koevert sit en by Mev Carin Hartzenberg ingee 03:00 voor ons vertrek.  Dit is hul middagete se geld by Sabi Koffie.  Indien u lief is vir koffie, kan u kind daar vir u heerlike koffie koop - vars van die lande af!! J

3.8          Die kinders wat klarinet en dwarsfluit bespeel moet hul instrumente in hul bagasie verpak en NIE onder in die bus laai nie.  Hulle moet hul bagasie heel laaste inpak.

     4.       Toerprogram

4.1          Die volledige program met alle inligting, tye, verantwoordelike personeel, indelings ens. sal op die laatste teen moremiddag op die blog wees.  Gedurende die toer sal mnr Jannie Hartzenberg die blog daagliks ‘n paar keer opdateer sodat u die toer by die huis (met grooooot heimwee!!)  kan volg!

4.2          U moet asb baie mooi na die program kyk en indien daar enige aktiwiteit is waaraan u kind NIE mag deelneem nie, moet u dit dadelik vir my op skrif stuur.  U almal het aan die begin van die jaar ‘n vrywaringsvorm geteken waar u toestemming gegee het dat u kind aan alle orkesaktiwiteite en toere mag deelneem.  Hierdie vorm is steeds van krag.

     5.       Algemeen

5.1   OORTREDING VAN ENIGE ERNSTIGE REëLS, ONGEHOORSAAMHEID EN ONBEHOORLIKE GEDRAG (rook, uitglip uit kamers, terrein / kamer / koshuis verlaat sonder toestemming / drankgebruik / oortreding van enige skoolreël ens.) sal gstraf word met onmiddelike skorsing uit die orkes. 

Indien u kind nie met my, enige van die verantwoordelike ouers volgens my indeling of met die leiers kan of wil saamwerk nie, sal u kind in die bus bly en glad nie saam met ons beweeg of optree nie.  U sal in kennis gestel word en dan moet u dadelik reëlings tref om u kind in Nelspruit te kom haal.  Dit sal by die skool aangeteken word en u kind moet dan die orkes verlaat.  HIERDIE IS NIE ONDERHANDELBAAR NIE.

5.2          Kleredrag vir elke dag is in die toerprogram uiteen gesit.  NB: Vir alle optredes dra die meisies swart pumps (of soos wat met Michelle met hulle bespreek het) en die seuns dra swart of so donker as moontlike tekkies.  Ons het tydens die naweekoefening reeds met die kinders hieroor en alles wat in hierdie epos staan, bespreek.

5.3          Die kinders moet Dinsdag langbroeke en tekkies dra vir die zipline, watervalle ens.  Onthou die skool se drimac vir Dinsdag (dit gaan nat en koud wees… J).

5.4          Onthou om vir u kind beddegoed en koffiebeker in te pak vir die koshuis.

5.5          Ek wil ook asb u weereens dringend versoek om NIE u kind van die toergroep te verwyder nie.

5.6          Daar sal elke oggend kamerinspeksie gehou word deur die voogde en hoofleiers.  Kamers moet te alle tye baie netjies wees met alle klere in die tasse weggepak en tasse toe gemaak.

5.7          Die seuns se hare moet volgens skoolreëls gesny wees, anders sal die seun nie optree of saam met die groep kan beweeg nie.

5.8          Geen meisie mag ontblotende klere dra of low cut denims dra waar hul onderklere uitsteek nie.

5.9          Sien punt 11 van die NOTA - gedeelte in die toerprogram.

5.10        Pak asb oordeelkundig volgens die BENODIGHEDELYS. 

5.11        Onthou, u het almal toerprogramme by die oueraand gekry.  Alles is daarin.  Daar was baie klein tyd en programaanpassings.  Maar alles is reeds op die blog.

5.12        GEEN kind mag kamers of groepe uitruil nie.

     6.       Noodnommers  (Nommers beskikbaar op epos en whatsapp group)

6.1          Ek moet asb die heel eerste persoon wees wat u moet kontak met enige noodgeval.  My foon sal 24/7 aangeskakel wees en nooit op “silent” wees nie – nie eens gedurende optredes nie. Dan is my foon by Mev. Elsa du Preez.

6.2          Die volgende noodnommers is die voogde:

                7.2.1      SEUNS:  Mnr Werner van Zyl 

                7.2.2      MEISIES:  Mev Rosa van Zyl  

                7.2.3      PROGRAM, BLOG, MEDIES EN ALGEMEEN:  Mnr Jannie Hartzenberg  en Mev Carin Hartzenberg.

6.3          U het ‘n volledige naam en adreslys van al die ouers en kinders in die orkes ontvang.  U kan ander ouers wat op toer is, se nommers daar kry.

6.4          Ek versoek ook dat u asb die personeel op toer se privaatheid sal respekteer i.v.m. telefoonoproepe.  Dit is u kind se EIE VERANTWOORDELIKHEID om met u te kommunikeer.  U kan nie van ons verwag om heeldag as boodskappers op te tree nie.  Ons help graag met probleme en noodgevalle.  U moet hierdie sakie SELF met u kind uitklaar.

Hou asseblief die blog dop vir die finale toerprogram en volg ons asseblief elke dag daarop!!

 [Die program is ALTYD bo-aan die blog- menu  beskikbaar selfs al post ons nuwe inligting. 

Dit sal ook op die WhatsApp group vir die Orkesouers beskikbaar wees vanaf Vrydag]

Vriendelike groete.

Danie

D.J.F. SMITH

HOëRSKOOL WATERKLOOF

DIREKTEUR KULTUUR

Sel:  082 853 8698

Tel (skool):  012 – 347 0277 X 130

Faks:  086 512 8755

INNIBOS 2014 Countdown: Zipline op dag 1!

Kyk wat wag vir ons sommer al op dag een:  

Klik op logo om na hul website te gaan

"Experience the thrill of 
Mpumalanga’s longest Aerial Cable Trail" 

Experience the freedom of gliding over one of the last remaining natural forested valleys along the Sabie River adjacent to the Kruger National Park. The aerial cable trail takes you down into the valley basin, stopping along the way on a number of elevated platforms to admire the natural vegetation, birdlife and the views of the forest floor below. 

Each section of the trail varies in length from 70 to 230 meters linking a total of 10 platforms, making the total length of the trail 1.2km. The trail has been designed and built to South African civil engineering standards and all the equipment has been designed specifically for this activity and tried and tested worldwide. All groups are escorted by qualified guides. 

Participants meet at Perry’s bridge Trading Post in Hazyview, to complete the necessary documentation before being kitted out and briefed. Guests are then transported to the starting point of the trail. After the trail has been completed, participants are returned to Perry’s Bridge Centre, where you will find restaurants and shops at your service. Bottled water is provided during the trail. 

We can accommodate up to 8 participants per trip, on scheduled departures. Larger groups can be accommodated over several trips, please enquire about our team building specials. This adventure activity is suitable for families and people of all ages; however children under the age of 10 might need to be assisted, please contact our office for more information. 

Advanced booking is recommended. The maximum per person weight is 120kg. The whole tour takes approx. two and half hours to complete. Recommended activity if you are travelling in the Southern Kruger National Park area.

IT'S FAST, IT'S FUN, IT'S SAFE AND IT IS WHAT LIFE IS ALL ABOUT!

PROMUSZA: Professional Musical Instrument Repairs 2014

Alle musikante weet dat jou klank net so goed is soos 

die toestand waarin jou instrument is.  

Diens jou instrument gereeld deur 'n professionele persoon.  

Vir die nuwe Kofie-orkeslede mag dit nuus wees dat oom Terrence nie net 'n briljante dirigent  en beoordelaar is nie, 

maar hy is ook 'n gekwalifiseerde instrument tegnikus.  

Hy besit een van die mees gespesialiseerde werkswinkels in die land en hy het sy kwallifikasies in Engeland ontvang. 

Hy is 'n professionele lid van die "Association of Musical Instrument Repairs" -

 'n internasionaal geakkrediteerde organisasie.

Gaan besoek gerus sy website by die volgende webadres: http://www.promusza.com/, of klik op die advertensie om jou na die website te neem. 

INNIBOS Toerprogram 10 Junie 2014

Geagte ouers.

In die heel eerste plek wil ek elke orkeslid asook u een en elkeen bedank vir ‘n ongelooflike naweekoefening.  Dit was sekerlik een van my lekkerste naweke in ‘n baie baie lang tyd.  Ek is baie bevoorreg om weer vir ‘n kort rukkie met die orkes te kan werk.

Baie dankie dat al ons kinders teenwoordig was en dat ons as ‘n groep bitter hard saam kon werk.  Ek is ongelooflik trots op die orkes en kan nie wag vir Innibos Kunstefees nie.  Ek glo dat u met die konsert kon sien dat ons harde werk werp goeie vrugte af.

Daar is soveel ouers wat die naweek gehelp het om alles vlot te laat verloop – die etes, skottelgoedwas, saal skoonmaak, saal mooi maak vir die konsert en weer almal wat na die tyd gehelp het om die saal weer mooi skoon te maak en reg te pak.  Ouers, ek is bitter dankbaar vir u positiewe gesindheid en hulp.  Baie dankie ook dat ons so verskriklik baie ouers en vriende gehad het wat na die kinders kom luister het Saterdagaand – dit het baie vir die kinders beteken.

Baie baie dankie aan elke ouer wat help, maak nie saak hoe groot of hoe klein nie – dis nie wat belangrik is nie.  Wat belangrik is is dat u bereid is om te help en my taak soveel makliker te maak.

Baie baie dankie aan Lumar en sy span leiers wat so hard werk – veral agter die skerms.  Dis lekker om julle so positief en produktief te sien.  Ek waardeer elkeen van julle.

Nou ja, terug by die sake van die week:

     1.       NAWEEKOEFENING

1.1               Ons oefen weereens hierdie naweek. Die reëlings en tye is presies dieselfde as verlede naweek.

1.2               Dit is steeds baie belangrik dat elke orkeslid teenwoordig kan wees met hierdie voorbereidingsoefeninge vir Innibos.

1.3               Onthou asseblief die R80 etegelde.  Indien daar ouers is wat wil koek stuur vir Saterdagoggend, kontak asb vir Anneke Vermaak.

     2.       INNIBOS

2.1               Die finale program is aangeheg.  Gaan asseblief met ‘n vergrootglas daardeur en kontak my indien enige iets van u kind verkeerd is.  [Toerprogram ook bo-aan blog beskikbaar]

2.2               Ouers wat saamgaan, kyk ook asb of alles korrek is, veral u inbetalings.

2.3               Baie baie dankie aan u elkeen vir die inbetaling van die toergeld.  Indien u die uitstaande bedrag eers na die naweek kan inbetaal, moet u my asb baie dringend kontak.

   

D.J.F. SMITH

HOëRSKOOL WATERKLOOF

DIREKTEUR KULTUUR

Sel:  082 853 8698

Tel (skool):  012 – 347 0277 X 130

Faks:  086 512 8755