Beste Orkesouer
Mnr Smith is ongelukkig in die hospitaal
vandag en het nie toegang tot epos nie. Hy het egter (soos gewoonlik)
baie knap reëlings getref vir die week.
Graag deel ek dit met u:
1. Geen oefening more
nie. Die matrieks skryf weer eksamen in die saal.
2. Orkeslede moet ALMAL
Donderdag pouse in Mnr Smith se klas vergader vir finale reëlings en ook om
hulle Staatsteaterkaartjies te ontvang.
3. Vrydag se reëlings:
a. Almal kom 16h00 in die
saal bymekaar.
b. Meisies los hul
instrumente en musiekstaander s by Gideon en gaan dadelik na my klas toe om
hare en grimering te doen en hulle toppies aan te trek.
c. Die seuns laai die bus
en geraaswa 16h00 (hulle eie en ook die meisies se instrumente en
musiekstaander s) en gaan trek 17h00 hulle konsertklere aan.
d. Almal moet 18h00 aangetrek
en in die bus wees.
e. Die bus vertrek dus
18h00 staatsteater toe.
f. By Staatsteater
aangekom, laai ALMAL die bus af (alle meisies en seuns help).
g. Meisies trek hulle
rompe aan en seuns hulle onderbaadjies.
h. Diets warm die orkes
19h15 op waar hulle gereed maak om 20h00 te speel.
i. ALMAL moet denim,
drimac en LO hempie saamvat om direk na die optrede aan te trek. NIEMAND
verlaat die staatsteater met konsertklere aan nie!!!
j. Daar is ‘n baie goeie
snoepie, vat sakgeld saam.
k. Na die optrede vertrek
die bus terug skool toe vir die wat nie saam met hulle ouers ry nie. Indien ‘n
kind saam met sy ouers ry, MOET hul al hul instrumente en musiekstaanders
saamneem. Hul MAG NIE ‘n ander kind vra om dit by die skool uit te laai nie.
4. SIEN JAARPROGRAM ->
dit is amper oefenweek. ‘n Kind wat die oefening gedurende die oefenweek mis
(matrieks moet soveel as moontlik kom saam oefen soos wat hulle eksamenrooster
dit toelaat), sal ongelukkig nie tydens die SA’s toegelaat word om op te tree
nie.
U is welkom om my oor Vrydag se reëlings te
skakel (kom ons pla nie vir Mnr Smith met navrae nie sodat hy kan rus)
Ons wens Mnr Smith sterkte toe – hoop hy rus
lekker uit en word gou beter!
Groete
Susan Tredoux
No comments:
Post a Comment