Carmina Burana - Karel en Alex saam met UPSO: Aula 29 Augustus 2014

Karel van Rheede en Alex de Kock het hierdie week saam met die Universiteit van Pretoria se Simfonieorkes (UPSO) o.l.v. Eddie Clayton, in die Aula opgetree.

Al 25 bewegings van Carl Orff se Carmina Burana (Old Spice advertensie) is uitgevoer saam met 'n massakoor wat uit 234 lede bestaan het. Die koor is saamgestel uit UP Camerata (wen die World Choir games in Riga, Latvia 2014), Ovuwa (UP cultural choir) en Jacaranda Children's Choir.

Amper onnodig om te noem dat hulle 'n lang en staande toejuiging ontvang het!

As dit moontlik is moenie die laaste optrede Sondag in die Aula misloop nie.

Die Klofie-orkes het 'n spesiale band met UPSO deurdat baie oud-orkeslede (sowel as huidige Klofie-orkeslede) deel is van UP se Simfonieorkes.

Alex de Kock (Tuba) en Karel van Rheede (Franse Horing) na afloop van Vrydagaand se vertoning

Alex de Kock

Karel van Rheede

Cariné Kruger, Alex de Kock, Karel van Rheede, Alicia Britz en Renée Hartzenberg

Musaion 2014: Klofie-Orkes doen dit weer!

Great Optrede in die Musaion vandag!  'n Encore tydens die etensuurkonsert is iets om op trots te wees. Well done Jaco en Klofie-Orkes!

Ons het vandag uitgevind hoekom Alicia so ongelooflik goed speel . . .  sy kry hulp van 'n ekstra paar hande . . . kyk of julle dit kan sien . . . .  Hierdie video is geneem terwyl die verhoog reggemaak is vir die optrede:  

Klofie-Orkes saam met Kaleidoskoop 18 Oktober 2014: The Story

Aan Cariné:

Waterkloof Konsertorkes inligting 25 Aug 2014

Beste konsertorkes ouers

Hiermee wil ek net die volgende inligting aan u deurgee.

Daar is Dinsdagaand 26 Augustus orkesoefening vanaf 17:30-19:45 in die skoolsaal ter voorbereiding vir die reeks konserte wat op ons wag. Daar sal nie orkesoefening op donderdagaand plaasvind nie!

1. UP Etensuurkonsert en Tshwane Jeugkunstefees Gala-aand

Vind asb aangeheg (MS Excel dok), die skedule vir donderdag en saterdag se verrigtinge. Die twee optredes beloof om 'n wonderlike ervaring vir die kinders te wees en ideale voorbereiding vir die SA's. Byvoorbaat dankie vir u ondersteuning vir hierdie komende week. Ook baie dankie vir die afgelope ekstra naweekoefening wat baie goed afgeloop het!

2. Orkes Gala-aand 18 Oktober

Hiermee die volgende inligting rakende ons Orkes Gala-aand saam Kaleidoskoop...
Ouers betaal R120 per kaartjie elektronies by die kantoor. Gebruik asb verwysing: 8030/052/kind se naam. Indien u kind self gelde gaan inbetaal, kry 'n kwitansie en gee vir Michelle Hartzenberg tydens orkesoefeninge. Kaartjies sal afloop van betaling deur Carin Hartzenberg aan ouers voorsien word tydens orkesoefeninge.

Doel van die funksie: Om geld in te samel, u samewerking hiermee word opreg waardeer!

NB: Die uitgawes word tot die minimum beperk om so veel as moontlik wins te maak. Vanjaar se funksie verskil heeltemal van laasjaar se funksie waar dit nie 'n fondsinsamelings konsert was nie. Laasjaar se Gala-aand het baie uitgawes opgelewer (10 jaar reunie) en dus wil ons vanjaar so veel as moontlik uitgawes beperk.

Na afloop van die Gala-aand, sal die winste tussen die kinders wat kaartjies verkoop het, verdeel word. Die wins per kaartjie sal uitgwerk word en vermenigvuldig word met die aantal kaartjies wat op die kind se naam verkoop is. Hierdie wins sal dan aan die kind se naam geboek en bewaar word.

U samewerking mbt die Gala-aand sal opreg waardeer word en die ouers se betrokkenhied hiermee is van groot belang!

Kontak asb Me. Carin Hartzenberg vir verdere inligting rakende die Gala-aand.

3. PvR Dorpfees 3 September

Aan belangstellendes, kaartjies hiervoor beloop R100 per persoon en moet in 'n koevertjie met naam en aantal persone geplaas word en aan Michelle Hartzenberg gegee word. Kom ondersteun asb die orkes hier ook om die gemeeskap op so wyse te dien.

Lekker week verder en sien jul by ons konserte!

Vriendelike groete,

Jaco van Staden
(Afrigter en dirigent)

Kaleidoskoop - Billie Jean: Saam met Klofie-Orkes 18 Oktober 2014?

Epos: Naweekoefening, weekprogram 20 Augustus 2014

Geagte ouers

Hiermee wil ek net die res van die week en naweekprogram aan u deurgee:

1. Oefening, donderdagaand 18:00-20:00: Seksieoefeninge olv leiers en Mnr Jaco (skoolsaal nie beskikbaar nie).

2. Naweekoefening: skedule vir naweekoefening:

Net kortliks, die oefeningtye is Vrydag 22 Aug, 15:30-20:00 en Saterdag 23 Aug, 11:00-16:00.

Let asb op dat die kostes vir die naweek se etes R60 per kind sal beloop. Daar word net 2 etes bedien (sien skedule) en kinders moet asb saterdag ontbyt self by die huis eet. Kontak asb vir Me Anneke Vermaak as u kind 'n ete gaan misloop!

3. Pierre van Reyneveld dropsfees: (plakkaat aangeheg)

Klik op foto om na die webblad te gaan

LW: CAMEO OPTREDE  BY HIERDIE GELEENTHEID DEUR:

Klik op foto om na die webblad te gaan

Carin Hartzenberg stuur die volgende inligting ivm die dorpsfees:

Tafels 11-20 is aan ons toegewys om 10 kaartjies per tafel te verkoop @ R100pp. Die kerk maak die tafels mooi en voorsien kos en wyn per tafel.

Hulle sal die orkeskinders kos gee maar nie by die tafels nie en ook teen geen kostes vir ons nie. Nader aan die tyd sal ek tafelplasings oopgooi en kan ouers self besluit by watter tafel en saam met wie wil hulle sit. Ons het reeds 5 tafels uitverkoop!

Ouers kan my asb net sms as hulle plekke wil bespreek na Carin by 08********. Ek sal laat weet waar en wanneer en hoe ons die geld sal inbetaal.

Vind asb ook aangeheg die repertorium wat op daardie aand gespeel gaan word deur die orkes:

4. Kamermusiek konsert 5 September

My kamermusiekgroep AirFlair Wind Quintet speel 'n konsert by Brooklyn teater Vrydagaand 5 September om 20:00. Kom ondersteun ons asseblief. Dit beloof om 'n wonderlike musiekaand te wees. Die groep bestaan uit Fluit, Fagot, Klarinet, Oboe en Franse Horing. Kaartjies is tussen R80-R115 by www.brooklyntheatre.co.za

Inligting vir leerders wat belangstel: Leerlinge wat belangstel om te kom kyk kan 'n kaartjie kry teen R50/kind. Kontak asb 012 3463474 (Jean-Pierre Verster) en bespreek die kaartjie vir u kind onder Mnr Jaco van Staden.

Kaartjies word dan direk aan die koper gestuur en toon dit by die ingang die aand van die konsert. Die doel van die konsert is om kamermusiek aan die publiek en skoolkinders bekend te stel. Ek sal die plakkaat van die konsert ook deurstuur indien u nie ontvang het nie.

Vriendelike groete,

Jaco van Staden
Konsertorkes Afrigter en Dirigent

jmcvanstaden@yahoo.com

Unisa Wind Ensemble: 17 Augustus 2014

"Inaugural concert of the Unisa Wind Ensemble done!

What a pleasure it was to conduct this today and to be part of such great music making. You were absolutely amazing!Thank you to all who made this possible and to everyone who played for the concert and everyone who supported us. Congratulations to UMFSO as well for a wonderful performance conducted by Bryan Schimmel" - Jaco.

Sondag by die SPUR - LIVE