Geagte ouers,
UITEINDELIK…..
1.
Ek begin weer met ons weeklikse kommunikasie!
U moet maar hierdie boek wat ek nou stuur verduur asb!! J
2.
Ons het uiteindelik weer ‘n puik en
gerespekteerde dirigent – so, dinge gaan nou weer begin gebeur!
3.
Ons kan die onsekerhede uit die weg ruim en
onsself regmaak vir ‘n kookwater jaar wat voorlê!!
1.
ALGEMEEN
1.1
Ek gaan weer weekliks begin om laat Sondae of
laat Maandae eposse uit te stuur wat die week se program sal bevat en u sal
inlig oor orkessake.
1.2
Sodra die nuwe dirigent sy kontrak geteken het,
sal ek sy naam kan bekend maak en hom aan u voorstel.
1.3
Oefentye: Ons oefentye sal van volgende
week af saam met die nuwe dirigent, soos volg wees:
1.3.1
Vrydagaande 19:30 – 22:05
1.3.2
Saterdae 17:05 – 20:30
2.
OUERAAND
2.1
Ons beplan ‘n inligtingsaand vir Maandag, 16
Februarie om 19:00 in die Ouditorium of Personeelkamer. Tydens hierdie
vergadering sal ek en mev. Henriette Booyse u inlig rakende die jaar se program
en nuwe dirigent.
2.2
Tydens hierdie vergadering sal ons ook ‘n lys
van ouerhulp wat benodig word sirkuleer. Ons het onder andere die volgende hulp
nodig:
2.2.1
Hulp met naweekoefeninge se etes (organiseerder
+ hulpom kos te maak + hulp om op te dien ens.)
2.2.2
Hulp met konsertklere
2.2.3
Mev Hartzenberg moet haar span saamstel wat wil
help om ons Gala-aand aan te bied
2.2.4
Hulp met SA’s in Kaapstad
2.2.5
En nog vele meer.
3.
JAARPROGRAM EN OEFENTYE
3.1
U het seker nou al herstel van my grappie soos
genoem in punt 1.3 J. Ons
oefentye bly presies soos wat ons dit gedoen het tot nou toe. Dinsdae en
Donderdae 14:30 – 17:30 asook een oefennaweek per maand (Vrydae 14:30 – 21:00
en Saterdae 07:30 – 17:00).
3.2
Vriendelik wil ons u nou versoek om hierdie
oefentye te respekteer en ons te help om die kinders by alle oefeninge
teenwoordig te hê. Die orkes is baie kleiner as gewoonlik en ons het ELKE
orkeslid byu ELKE oefening nodig! Reël asseblief alle musieklesse ens.
BUITE hierdie tye sodat ons ‘n volledige orkes by oefeninge kan hê.
Indien daar enige probleme is, kontan my asseblief dadelik.
3.3
Ek sal ook teen die naweek ons Jaarprogram
opgedateer hê en aan u beskikbaar stel. Ons oefen volgens hierdie
Jaarprogram asook die eposse wat u elke week sal ontvang. Ignoreer
asseblief alle ander vorme van datums. U reageer slegs op datums wat u
van my af ontvang. Die vorige afrigter het datums vir die skool deur
gegee wat nie op ons van toepassing is nie.
3.4
Volgende maand se naweekoefening:
3.4.1
DATUM: 6 & 7 Maart
3.4.2
Voorlopige program:
Ouers, ons het ELKE kind
vir die volle duur van die oefening nodig. Laas naweek het ons maar
aanvaar dat kinders kom en gaan a.g.v. al die onsekerhede ensovoorts.
Maar ons het nou weer struktuur en ons versoek u dringend om ons te help om
weer struktuur, dissipline en oefeninge te vestig. Ons hande is afgekap
indien u ons nie help nie. Ons het u verskriklik nodig. Help ons
asseblief om net die beste vir u kind te gee en doen.
4.
ORKESKAMP
4.1
Ons orkeskamp is ‘n vereiste om na die SA’s en Gala-aand te kan gaan. Ons
het die kamp ook so geskeduleer day die kinders wat in Simfonia Juventi speel,
ook saam kan gaan kamp. Ek organiseer die kamp en Mev. Booyse hanteer die
inbetalings. Hier is ‘n opsomming van hoe die kampprogram gaan lyk:
4.2
Ek is besig om die kampprys saam te stel en sal dit in Sondag se epos vir u
plaas.
4.3
Die braai vir die ouers: U betaal ‘n minimale bedrag in daarvoor.
Ek sal u ook inlig rakende die braai.
4.4
Daar is vir ouers in die hoofkamp moontlik verblyf beskikbaar vir Vrydagaand
(maar geen ouers word Sondag tot Vrydagaand toegelaat nie). Ek sal baie met u
oor hierdie verblyf, etes ens. kommunikeer.
5.
SA’s 2015
5.1
DATUM: Saterdag, 3 Oktober 2015 te
Hoërskool Durbanville, Kaapstad.
5.2
Program: Hier is ‘n voorlopige uitleg van
hoe ons toerprogram gaan lyk:
5.3
Ek is ook reeds besig om die toerprys saam te
stel. Dit vat maar lank, maar sal binne ‘n week of twee dit vir u kan
gee.
5.4
Ouerhulp gaan ook benodig word.
6.
FINANSIES
6.1
In die eerste plek wil ek dit baie duidelik stel
dat finansies NOOIT in die pad van ‘n kind en die orkes moet staan nie.
Indien daar probleme is moet dit baie vinnig onder die aandag van Mev. Booyse
gebring word.
6.2
Alle inbetalings word elektronies by die skool
gedoen, behalwe etegelde wat direk (op hierdie stadium) by Mev. Anneke Vermaak
inbetaal word.
6.3
Ek kry die verwysings by die skool en sal die
rekenigbesonderhede asook die verskillende verwysing spoedig aan u verskaf. Ek
moet net eers alle inbetalings gaan registreer om elke inbetaling se verwysing
te kry.
7.
UIT DIE PEN VAN ONS HOOFLEIER
Ek plaas graag wat ons hoofleier, Alexander de Kock,
elke week op die hart het (ek sal maar baie streng moet sensor.. hy is nogal
baie streng!! J )
7.1
Hy is baie bekommerd oor al die
afwesighede. Dit maak die taak van die seniors baie moeilik as die
kinders nie by al die oefenige is nie.
7.2
Hy is voorts ook bekommerd oor die laksheid
onder senior en ook ons junior orkeslede wat nie oefen nie en versoek elke
orkeslid om asseblief hard by die huise te oefen.
7.3
Kinders lag die inspeksies af. Ons gaan
kinders 15A gee vir uitdaag van gesag indien orkeslede hierdie inspeksies
aanhou ignoreer.
7.4
Hy bedank al die ouers wat die orkes ondersteun
en is baie dankbaar vir die positiewe gesindheid van elke ouer en ook die
orkeslede.
Ek wil afsluit deur u almal te versoek om my asseblief te
laat weet of hierdie epos ontvang het. U kan per epos, whatsapp en met u
kind vir my laat weet. Sodoende weet ek dat ek die eposadresse koorek ingetik
het en dat u ons eposse ontvang.
Vriendelike groete!
Danie
D.J.F. SMITH
HOëRSKOOL WATERKLOOF
DIREKTEUR KULTUUR
KONSERTORKES: ADMINISTRATEUR
Sel: 082 853 8698
Tel (skool): 012 – 347 0277 X 130
Faks: 086 512 8755
No comments:
Post a Comment