Danie Epos Nr 4: 2013

HOOFLEIER DIE MAAND AAN DIENS:   ESTIAAN

LEIER DIE WEEK AAN DIENS:  JACQUES

 Geagte ouers en Leiers.

    1.  JAARBEPLANNING

Aangeheg die opgedateerde program vir Februarie met al die veranderings.

Donderdag speel die trompetters, saksofone en dwarsfluite uit vir posisies en ook vir soliste.  Seksies wat nie uitspeel nie is die strykers, piccolo, klarinette, horings, trombone, tubas, en die perkussieseksie.  Ons begin 14:30 daarmee in die skoolsaal.  U as ouers is baie welkom om hierdie uitspele by te woon en in te sit.  Ek gee die uitslag direk nadat die kinders uitgespeel het. 

Wat moet hulle kan doen??  Hul moet toonlere kan speel, hul eie musiek asook ‘n vreemde stuk kan bladlees.

Waarna luister ek?  Klankkwaliteit (tone quality),  suiwerheid van klank,  omvang (range),  tegniek (flexibility).   En onthou, ek sien nie wie speel nie, want ek sit agter ‘n skerm.  Dit klink dalk makliker as war dit is!!  En nee, wanneer die kinders so deurmekaar speel, weet ek nie wie speel nie!  Dis onmoontlik om te raai wie speel en in elk geval is dit nie vir my belangrik om te weet wie speel nie – ek kies die klank wat die beste in die groep is, daarom laar ek die kinders ook voor mekaar speel sodat hulle ook self kan hoor waar pas hulle in.  Aan die einde is my besluit finaal en die kinders kan nie weer verander nie.

Donderdagaand het die kandidate vir konsertmeester hul onderhoude.  Baie sterkte aan Michelle,  Annette, Ian en Jacques!

    2.  REGISTRASIEVORM

Ek het nog bitter min vorms terug gekry.  Ek wil teen die einde van naweek asseblief al die vorms terug hê sodat ek alle inligting kan begin inlees.

    3.  NAWEEKOEFENING

3.1         Die reëlings vir die naweek is soos volg:

3.1.1       Die oefenprogram is soos uiteengesit op Februarie se beplanning.

3.1.2       Peter help my weer hierdie naweek met die orkes.  Ek word nog te gou moeg en die dokter het my ten sterkste afgeraai om nou al 100% terug te wees by die orkes.  Daarom staan Peter weer hierdie naweek vir my in.

3.2         Opruim en afsluiting

3.2.1       Ouers, hierdie is ‘n probleem wat ek nie uitgesorteer kry nie en u moet my daarmee help.  Dit is vir my NIE aanvaarbaar dat daar ouers is wat die kinders vat nog voordat ons klaar opgeruim en skoongemaak het nie.  Na afloop van die skoonmaak, dan eers sluit ons af.  Dit gebeur na elke liewe oefening da daar kinders is wat net weg is en die ander moet alleen skoonmaak.

3.2.2       Maak asb seker dat ons klaar afgesluit het voordat u u kind vat.  Die k,inders kla, veral na naweekoefeninge en optredes, dat die ouers nie wil wag nie.  U moet asseblief die ander ouers en kinders ook in ag neem.  Ons is ALMAL moeg en ons almal wil graag vinnig by die huis kom.  Moet ASB nie u kind vat voor ons klaar is nie – dit maak die getroue kinders wat altyd bly en help baie negatief.  U as ouer stel u kind bloot aan baie negatiewe opmerkings indien u u kind vat en ry en die ander moet help. U moet asseblief my in hierdie geval help!

3.3         Presensie en afwesighede

U sal merk ons hou baie goed boek van alle afwesighede.  ‘n Orkeslid kan vir SA-kleure en Erekleure slegs indien hy/sy meer as 90% teenwoordig was by alle oefeninge, kampe en toere.

U moet asseblief self by my vir u kind verskoning maak, anders word u kind afwesig gemerk.  Kinders stuur nie vir my of hulle maat smsé of bbm’s om verskoning te maak nie.

Die register en etegelde uitstaande is ook hierby aangeheg.

3.4         Etegelde

Die etegelde per naweek is R60 en word by Michelle inbetaal.  U moet asb die geld in ‘n koevert sit, u kind se naam opskryf asook die bedrag.  Hierdie koeverte word gebêre vir kontrole.

Dit is ook uiters noodsaaklik om te onthou dat indien u kind vir ‘n naweekoefening verskoning het en afwesig is, u self die etes by mev Lynnette Botha by selnommer 082 771 6078 of per epos lynnettebotha@gemini-gates.co.za  OP DIE LAATSTE  teen die Donderdagoggend, want Donderdagmiddag doen hulle die aankope.  Indien u NIE die etes kanseleer nie, bly u verantwoordelik vir die R60.

    4.  ORKESKAMP

4.1             Na baie drama, versoeke en oorweging kan ek nie anders as om die kamp hierdie vakansie te los waar hy is nie.  Ons kamp dus 31 Maart – 6 April te Kwalata.

4.2             Die kampgeld is R2,150 wat alle etes, verblyf en busgeld by die kamp, insluit.

4.3             Ek sal meer detail oor die kamp bespreek met ons oueraand oor o.a. hoekom ‘n kamp nodig is.

    5.  ORKESTOER

Die beplanning vir ons Kaapse toer vorder maar redelik stadig.  Ek is baie knaend op die mense om kwotasies uit die plekke te kry!  Maar hou moed, ek is amper daar!!!  Ek sal u sekerlik binne ‘n week of twee volledig kan inlig!

Die optredes by die oesterfees te Knysna is reeds in tydgleuwe, maar hul wil nie bevestig voordat hul nie hul vergadering met al die partye gehad het nie.

Die oefenweek saam met die Suid-Afrikaanse Vloortorkes is reeds deur die Hoof van die Vloot goedgekeur asook deur kommandeur Kenny leibbrandt van die orkes.

Hierdie gaan weereens ‘n toer vir ons kinders wees om nooit te vergeet nie!

    6.  BLOG

Ek wil ons nuwe ouers aanmoedig om ons blog te besoek en te registreer sodat u al die inligting en foto’s wat ons daarop plaas kan kry:  klofieorkes.blogspot.com

    7.  FINANSIES

Ouers, finansies is maar altyd ‘n redelik krisis, en ek weet dat die orkes sy pond eis.  Ek wil u vriendelik versoek om my te kontak indien finansies ‘n krisis is, want ons moenie toelaat dat finansies die rede is hoekom ‘n kind nie in die orkes kan wees nie.  Ek het nie altyd die antwoorde of oplossings nie, maar ons kan probeer om hulp te kry.

Ek reël byvoorbeeld alle kampe en toere self om ons uitgawes tot die minimum te beperk – ek probeer regtig help waar ek kan.

Vriendelike groete!!

Danie

D.J.F. SMITH

HOëRSKOOL WATERKLOOF

DIREKTEUR KULTUUR

KONSERTORKES: DIRIGENT

Selfoonnommer:  082 853 8698

Telefoonnommer (skool):  012 – 347 0277 X 130

Faksnommer:  086 512 8755

Danie Epos Nr 3: 2013

Geagte ouers.

   1.  JAARBEPLANNING

1.1             Ek moes aanpassings by Januarie se program maak.  Ontvang opgedateerde Januarie-program.

   2.  UITSPEEL

2.1             Die uitspele sou Dinsdag 22 Januarie plaasvind.  Ons kan nie in die saal oefen of uitspeel nie a.g.v. ‘n departementele vergadering in die skoolsaal.

2.2             Die orkeslede moet dadelik direk na skool hul instrumente uit die stoortjies gaan haal en dit na my klas (B1) neem.  Dan kan hul gou snoepie toe gaan om kos te koop.  Hulle moet net vroegtydig by die snoepie gaan reel dat daar vir hul kos uitgehou word.

2.3             Die uitspele verskuif nou na Donderdag 31 Januarie.

                        

    3.  NAWEEKOEFENING

3.1             Eerskomende naweek is ons naweekoefening.

3.2             Onthou asb die R60 etegeld vir die naweek.

3.3             Sien Jaarbeplanning vir detail.

Groete!

Danie

D.J.F. SMITH

HOëRSKOOL WATERKLOOF

DIREKTEUR KULTUUR

KONSERTORKES: DIRIGENT

Selfoonnommer:  082 853 8698

Telefoonnommer (skool):  012 – 347 0277 X 130

Faksnommer:  086 512 8755

Danie Epos nr 2: 2013

Geagte Ouers.

Vriendelik versoek ek u om hierdie epos uit te druk en vir u kind te gee.  Ek sien nie die kinders voor al hierdie goed moet gebeur nie en ek is bang hul weet nie waar moet hulle wanneer wees nie.  Baie dankie vir u hulp!!

  

    1.  WEEKPROGRAM

1.1             Dinsdag, 15 Januarie:  Geen oefening as gevolg van die Interhuis.

1.2         Woensdag, 16 Januarie: 

1.2.1       Die orkeslede moet die oggend voor skool hul instrumente in die orkeskamertjies gaan toesluit.  EK WIL WEER ‘n BEROEP OP U DOEN OM MET U KIND TE PRAAT SODAT HULLE NIE HUL INSTRUMENTE (VERAL DIE SKOOL SE INSTRUMENTE!) IN DIE MUSIEKDEPARTEMENT GAAN NEERSIT NIE. Dit raak weg of beskadig daar.  Die musiekkamertjies word op elke oefendag oopgesluit voor skool en enige ander tye is die sleutels in my poshokkie OF die sleutels is by my, die leier aan diens of by die 2 hoofleiers beskikbaar. 

1.2.2       Die orkes begelei en oefen die Skoollied en Volkslied saam met Druppels in die skoolsaal gedurende die laaste 2 periodes.

1.2.3       Die orkeslede moet Woensdag en Donderdag aan die einde van die 5de periode saal toe gaan.  Ek sien nie die orkeslede nie en versoek u om hierdie reëlings aan die orkeslede deur te gee.

1.3         Donderdag, 17 Januarie:

1.3.1       Ons oefen weer periode 6 & 7 saam met die druppels.

1.3.2       Na die oefening moet die kinders gou uittrek en eet. 

1.3.3       14:30 – 15:30      Ons oefen ons vir ‘n uur deur ons musiek

1.3.4       15:30 – 16:00      Trek denim en skool se LO-hempie aan.

1.3.5       16:00 – 16:20      Laaste repitisie saam met die Druppels.

1.3.6       16:30                    Eerste vertoning

1.3.7       17:45                    Tweede vertoning

1.3.8       19:00                    Laaste vertoning

1.3.9       Die orkeslede moet asseblief genoeg koue water / koeldrank by hulle hou.  Koelhouers mag by hulle staan met water en eetgoed in.

1.3.10  Indien u ons kan help met waaiers om tussen die kinders te sit, sal ek dit baie waardeer!

      2.  ORKESKAMP:  31 MAART – 6 APRIL

2.1             Ek het so ‘n paar versoeke ontvang om die kampdatum te vervroeg na 20 – 27 Maart a.g.v. orkeslede wat onder andere wil gaan vir oudisies by Simfonia Juventi – en dit is hul oefenkamp se datum.

2.2             Ek het vanoggend Kwalata en verkeie kampterreine gekontak vir plek vir 20 – 27 Maart, maar op hierdie stadium sonder enige sukses.

2.3             Ek is op hierdie stadium bewus van 4 orkeslede wat ‘n probleem het.  Kan u my asseblief spoedig laat weet indien u kind ‘n probleem het met 31 Maart – 6 April.  Ek sal Donderdagmiddag met die orkes ook hieroor praat, maar intussen sal ek kyk wat ek kan doen.

     3.  KAAPSE TOER

Al my eposse vir alle versoeke en kwotasies is reeds uit. Sodra ek terugvoer van almal ontvang het, kom ek terug na u toe.

     4.  NUWE LEDE EN OUDISIES

4.1             Werwing van nuwe lede:  Ons sal volgende week in alle erns begin met werwing vir nuwe lede.  Ons het in die volgende 2 jaar lede vir alle instrumente nodig.  Probleemareas waar ek die grootste nood het, is die volgende:

4.1.1       Viool

4.1.2       Cello

4.1.3       Dan is daar die volgende ongebruikte instrumente:  1 tromboon, bariton, eufonium, klarinet en nog vele meer.

4.1.4       Ons vat geen kitare op hierdie stadium in nie, maar sal wel ‘n elektriese ritme kitaar kan oorweeg indien die kind baie goed is.

4.1.5       Ons benodig 2 leerders (verkieslik Gr 8) om te begin oplei vir timpani en perkussie vir 2014.  Soos ek reeds verlede jaar aan u deurgegee het, is die minimum vereiste dat die 2 seuns baie goed moet kan dromstel speel en hul moet ook drommusiek kan lees.  Die leerder wat hierdie jaar saam met Lumar by die perkussie moet speel, volg hom op wanneer hy in matriek klaar maak met die dromstel – Lumar neem die dromstel oor by Gideon aan die einde van die jaar.

4.1.6       Indien u weet van enige leerders wat ek kan nader, kontak my asseblief dringend!

4.2         Orkesoudisies:

4.2.1       Sien vorige epos.

4.2.2       Die hele orkes speel uit op Donderdag, 22 Januarie.

4.2.3       Indien u hierdie oudisies wil bywoon, is u meer as welkom!  Dit word in seksieverband in die skoolsaal gedoen.

4.2.4       Sodra die seksie klaar is met hul oudisie, mag hulle verdaag.  Om dit regverdig te hou, trek die seksies lootjies om te bepaal wie kom wanneer.

4.3         Konsertmeesteroudisies:

4.3.1       Hierdie oudisies word vanaf eerskomende Donderdag gedurende alle oefeninge gedoen en ek sal die nuwe Konsertmeester aanwys gedurende die naweekoefening in Februarie.

4.3.2       Die kandidate kry soos volg hul beurte:

a.     Annette:        Donderdag,  17 Januarie

b.     Ian:                 Donderdag, 24 Januarie

c.     Jacques:       Vrydag,  25 Januarie (14:00 – 17:30)

d.     Michelle:       Vrydag, 25 Januarie (18:00 – 21:00)

e.     Annette:        Saterdag, 26 Januarie (09:00 – 13:00)

f.        Ian:                 Saterdag, 26 Januarie (14:00 – 17:30)

g.     Jacques:       Dinsdag, 29 Januarie

h.     Michelle:       Donderdag, 31 Januarie

i.         Donderdag, 31 Januarie:  Onderhoude sal in my kantoor plaasvind en die paneel wat my gaan help is voorlopig die huidige twee hoofleiers, Gideon en Estiaan, Peter van der Poel (Konsertmeester 2004 – 2008) en Renée Hartzenberg (Konsertmeester 2009 – 2011) en Dietrich Bauermeister (Konsertmeester 2012).  Die loting is soos volg:

18:00 – 18:30            Michelle

18:30 – 19:00            Annette

19:00 – 19:30            Ian

19:30 – 20:00            Jacques

Hulle moet die volgende saambring en voorberei:

Ø  Voorgestelde opwarmingsoefeninge.

Ø  Hul moet presies kan verduidelik hoe hulle die orkes gaan hanteer gedurende ‘n opwarmingsessie.

Ø  Ek wil weet wat is hul visie vir die orkes is en hoe hul daarby gaan uitkom in die praktyk.

Ø  Dan gaan hul onderworpe wees aan vrae van die paneel.

Enige ouer of enige orkeslid mag hierdie onderhoude bywoon.  Kontak my net vooraf in hierdie verband.

     5.  JAARBEPLANNING

Vriendelik, maar baie dringend, wil ek u versoek om asseblief na ons Jaarbeplanning te kyk en my dadelik te laat weet waar probleme is.  Dit is nou nog redelik maklik om veranderings aan te bring, maar later raak dit soms onmoontlik.  U samewerking sal werklik nou waardeer word om latere ongelukkigheid te voorkom.

Kan ek asseblief alle probleme en botsings kry teen die einde van die week sodat ek die naweek dan daaraan aandag kan gee.

Vriendelike groete!!

Danie

D.J.F. SMITH

HOëRSKOOL WATERKLOOF

DIREKTEUR KULTUUR

KONSERTORKES: DIRIGENT

Selfoonnommer:  082 853 8698

Telefoonnommer (skool):  012 – 347 0277 X 130

Faksnommer:  086 512 8755

Danie Epos nr 1: 2013

Geagte ouers.

ONS KONSERTORKES IS 10 JAAR OUD!!

‘n Hartlike Jesus-welkom terug aan u almal.  Mag hierdie vir ons ‘n liefdevolle en vreugdevolle jaar wees propvol seëninge en voorspoed.  Hierdie is ons 10de verjaarsdag-jaar en ek sien ongelooflik uit na ons reuniekonsert.

Baie welkom aan al ons nuwe orkeslede! Hulle moet asseblief op hierdie eposse reageer en inskakel volgens ons program.

    1.  UITSLAE 2012

1.1             Dit het baie goed gegaan met Armand, Liné en Marko.  Baie geluk aan Armand wat 4 onderskeidings behaal het in LO, Musiek, Nat. Skei en Engels en Marko wat 3 onderskeidings behaal het in Afrikaans, Engels en LO.  Ons is baie trots op julle.

1.2             Baie geluk ook aan die res van die orkes wat geslaag het.  Ek het probeer tel hoeveel onderskeidings daar in die orkes is, maar het by 50 opgehou tel, want dit was te veel werk en ek het nie tyd gehad op klaar te soek op die rekenaar na elke kind se rapport nie! Maar sjoe, ons kinders het weereens uitstekend gedoen!!  Baie baie geluk aan elkeen.  Ek bly staan by wat ek elke jaar sê, en dis jammer dat daar steeds ouers is wat my nie glo nie!! 

Die orkes leer ons kinders om gedissiplineerd te leer, te prioritiseer, te konsentreer en om in ‘n baie kort tydjie maksimum werk in te sit.  Kyk maar jaarliks na ons uitslae!! Die ouers moet dit nou nog net begin glo en raaksien! J

Ek is baie trots op ons orkeslede, weereens ‘n 100% slaagsyfer!!

1.3             Baie geluk aan Ulrich en John wat nou in Gr 8 is en nou volwaardige Klofies is!!

    2.  BLOG

Die blog  help om inligting by ouers uit te kry, maar ook om belangstellendes op ‘n informele en op ‘n gesels-trand te prikkel. 

U moet ook asseblief die hele tyd in gedagte hou dat ons die blog op ‘n sosiale vlak bedryf en dat dit nie ‘n professionele webblad is nie en ons wil dit graag so hou.

[Sorry, ek weet julle wil graag 'n meer professionele webbad gehad het  maar professioneel is sooooo boring!  sorry Maestro ;) -Ed]

Dankie ook aan Estiaan en Jacques vir al die foto’s op ons blog.  Die blog sal nie dieselfde wees sonder al die foto’s nie.  Foto’s vertel altyd ‘n beter storie as woorde.

Indien u van die orkes foto’s neem en ons kan dit op die blog plaas, epos asseblief u foto’s vir Jannie!! 

Ouers, ek gaan hierdie jaar al hoe meer van die blog begin gebruik maak om inligting te kommunikeer.  Skakel asb in op ons blog. Met elke opdatering sal u ‘n epos kry waarin die verandering en opdatering aangedui word. My ideaal is om dit as ons enigste kommunikasiemiddel te gebruik en nie meer eposse uit te stuur nie.  Registreer asseblief sou gou moontlik op ons blog.

Die blog se adres is klofieorkes@blogspot.com

    3.  JAARBEPLANNING

Die Jaarbeplanning sal vandag op die blog verskyn.  Ek het dit klaar vir Jannie gestuur.  Ek moet u egter net weer daaraan herinner dat hierdie beplanning is wat ek gereel opdateer.  Ek is afsiek tot volgende week en sal dan eers die nuutste skoolprogram kan kry.  Maar ek glo ons jaarbeplanning is redelik op datum en in lyn met die skoolprogram.

Die belangrikste aspekte wat ek nou net wil uitlug is die volgende:

3.1             Peter oefen met die orkes vir die Groentjiekonsert wat alreeds volgende week Donderdag plaasvind.  Dis hoekom ons so vinnig alreeds begin oefen.  Daar is slegs 2 oefeninge en dan is dit groentjiekonsert.

3.2             Volgende week Dinsdag is huissport en ons sal dus nie kan oefen nie.

3.3             Ons oefen volgende week WOENSDAG en sal dan ook moontlik die Skoollied en Volkslied saam met die Druppels oefen.

    4.  DRUPPELKONSERT

4.1             Ek het nog nie die inligting rakende die tye vir  Donderdag, 16 Januarie  nie.  Sodra ek dit ontvang sal ek dit met u kommunikeer. 

4.2             Dit is gewoonlik ‘n lang dag.  Ons oefen na skool, trek dan denims en die skool se blou LO-hempies aan, repiteer ‘n finale keer saam met die Gr 8’s en dan is dit die 2 vertonings. 

4.3             U moet asb vir u kind kos en genoeg drinkgoed inpak.

4.4             Daar is gewoonlik 2 vertonings.

    5.  NAWEEKOEFENING

5.1             Ons Januarie naweekoefening is 25 & 26 Januarie.  Sien Jaarbeplanning.

5.2             Etegeld beloop R60 vir die naweek per kind. 

5.3             Ek sal volgende week meer inligting gee.

    6.  KONSERTMEESTER EN SOLISTE 2013

6.1             Die uitspeel vir soliste is ‘n redelike sensitiewe ou sakie elke jaar.  Kinders en ouers is baie ongelukkig na afloop van al die uitspele en ek kry elke keer ouers wat my beskuldig van voortrekkery,

onredelikheid ensovoorts.  Ouers, ek wil dit nou baie duidelik stel. EK HET NIE WITBROODJIES IN DIE ORKES NIE – ek is lief vir ELKE orkeslid en ek neem my besluite vir wat reg is vir die totale orkes en NIE om guns by enige ouer of kind te kry nie.  Wanneer die kinders uitspeel, is u as ouer baie welkom om te kom insit as ek dit doen.  Die paneel wat saam met my sit is die hoofleier, onderhoofleier en hoofmusikant.  Hulle evalueer saam met my, maar my besluit is en bly finaal.  Kinders kan nie na afloop van die uitspeel weer na my toe kom en sê hul wil weer probeer nie.

6.2             Nou hoe doen ek dit? 

6.2.1       Ek laat sak die fliekskerm op die verhoog en trek die gordyne toe sodat ek en my paneel op die verhoog agter die skerm sit en nie in die saal kan insien nie.

6.2.2       Die hele seksie staan in die saal en kry elkeen ‘n nommer wat hulle self kies – ek weet nie wie het watter nommer nie. 

6.2.3       Dan roep en ‘n nommer en die kinders moet hul toonlere en musiek 2012 speel. Hul kry ook ‘n onvoorbereide stuk wat hul daar ontvang  en dadelik moet speel.

6.2.4       So evalueer ek dan elke kind VOOR ALMAL en plaas hulle van stem 1 tot waar hul ookal gaan.  Die kind wat ek as nommer 1 plaas, is die solis in daardie seksie indien daar solo’s vir die betrokke seksie is.

6.2.5       Nadat ek die evaluering gedoen het, kyk ek wat die res van die paneel beoordeel het en ek bespreek my bevinding met hulle.  Indien ons verskil, laat ek die kinders oor speel.

6.2.6       Nadat hulle met my saamstem, kom ek agter die gordyn uit en lees die volgorde van die nommers.  Danie sien ons ook vir die eerste keer wie was wie!  Al die kinders het dus ‘n gelyke kans om hier te kan uitspeel as solis.

6.3             Ek glo u kan sien dat hierdie is ‘n baie regverdige wyse wat internasionaal gebruik word om musikante te beoordeel en te keur.

6.4             Indien ‘n kind nie wil speel nie, plaas ek die kind waar ek hom/haar nodig het, maar kom dan nie in aanmerking vir die nommer 1, 2 of 3 posisie nie.  Waar daar seksies in van kinders van 3 en minder, mag hul met my kom praat om nie uit te speel nie. In sulke gevalle vereis ek ‘n brief van al die ouers waarin hulle toestemming gee dat die kinders nie hoef uit te speel nie.  Dan bly die posisies soos gedurende 2012. Seksies van 3 en meer MOET uitspeel, veral as daar solo passasies betrokke is. 

6.5         KONSERTMEESTER 2013

6.5.1       Die Konsertmeester (hoofmusikant) se pos is ook vakant.  Die kandidate wat hiervoor in aanmerking kom en ge-evalueer gaan word is Michelle Hartzenberg, Ian Stapelberg, Jacques Tredoux en Annette Cilliers.  Hulle word van dag 1 af deurlopend ge-evalueer met die hoogtepunt gedurende ons Februarie-naweekoefening.  

6.5.2       Wat word van ons Konsertmeester verwag:

6.5.2.1.     Moet instrument 100% bemeester het

6.5.2.2      Moet musiek 100% kan bladlees en dadelik kan speel wat hy/sy sien

6.5.2.3      Moet ‘n perfekte oor he (omtrent die belangrikste eienskap!!)

6.5.2.4      Moet musiek kan transponeer om die verskillende instrumente wat in verskillende sleutels is, te kan help

6.5.2.5      Moet uitstekende leierseienskappe besit

6.5.2.6      Moet seksieoefeninge kan hanteer en moet ook met die orkes kan aangaan en help indien ek nie daar is nie.

Die nuwe Konsertmeester word Saterdag, 2 Februarie aangekondig.  Baie sterkte aan hierdie 4 kandidate!!

    7.  KAMP EN TOER 2013 EN 2014

7.1             Soos wat ons verlede jaar op ons laaste oueraand besluit het, gaan ons nie die jaar in die buiteland toer nie, maar wel ‘n orkeskamp hê 31 Maart tot 6 April en ons Kaapse toer 4 – 14 Julie.

7.2             Ons is nog besig om te kyk na ons buitelandse toer vir volgende jaar en behoort spoedig na u toe te kom met voorstelle.  My ideaal is om met ons eerste oueraand die opsies op die tafel te hê. Ons moet hierdie besluit afhandel voor einde januarie of so na as moontlik daaraan.  Ek sal u op hoogte hou.

7.3             Ek het reeds ons kamp by Kwalata bespreek en die kampgeld is R2,150.00 per orkeslid, alles ingesluit (bus na kamp, alle etes, fasaliteite en slaapplek).  Die kamp gaan veral ons Matrieks baie help en dit gaan ons orkes ‘n groot hupstoot gee sodat ons vinniger op standaard is en dan kan ons gemakliker wees met ons oefentye gedurende eksamentye.

7.4             Ek is nog besig met al die kwotasies vir ons toer.  Ek sal dit ook spoedig afhandel.

Dan wil ek ook baie baie dankie sê vir al die sms’e, bbm’s, oproepe en besoeke terwyl ek in Kardiologie ICU was.  

[Maestro het Saterdagaand 'n ernstige hartaanval gehad terwyl hy alleen by die huis was.  Hy was op pad vanaf die kombuis na die slaapkamer met 'n glas water toe hy skielik sy bewussyn verloor het.  Hy het geval en bo-op die glas te lande gekom (wat gebreek het). Die glasskerwe het diep in sy arm ingesny  en die wond het geweldig begin bloei.  

Maestro was gelukkig dat hy homself nie doodgebloei het nie.  Hy het gekruip tot in die badkamer waar Estiaan hom later bewusteloos gevind het.  Estiaan het mooi kop gehou en met Danie na die Kloof hospitaal gejaag (met Danie se BMW) waar hy gestabiliseer is en na die Wilgers hospitaal se ICU oorgeplaas is.    Danie was Dinsdagmiddag nog steeds in die ICU en is  gister (Woensdag) ontslaan (moenie vra nie - ek verstaan daardie een ook nog nie).  By die huis gekom het hy hierdie epos geskryf, musiek gefinaliseer vir die orkes en opdragte begin uitdeel soos net Maestro kan.  Sy normale en gewone week se bedrywighede!          ;)    

Estiaan,  wel gedaan!  Maestro,  jy het nie 'n gelyke nie en is 'n voorbeeld van die uitdrukking dat respek verdien word en nie van selfsprekend kom nie!  - Ed]

Ek het elkeen se belangstelling en beterskapwense baie waardeer.  Ek hoop om volgende week Vrydag weer op my pos te wees.  Intussen gaan Peter en Terrence met die oefeninge aan tot ek gesond genoeg is om weer by hulle oor te vat.

Op ‘n ligter luim.  Ek wil net noem dat ek NIE die etiket van eposse volg nie...   Moet dus asseblief nie ervaar dat ek op u skree as ek uitroeptekens, kleur en hoofletters gebruik nie!!! (oeps, daar doen ek dit weer…).  As ek op u wil skree, sal ek met u ‘n afspraak maak J.  Ek gebruik hoofletters en kleur slegs om sake van belang uit te lig.  Sien dit asseblief in hierdie lig.

Beste wense.

Danie

 

D.J.F. SMITH

HOëRSKOOL WATERKLOOF

DIREKTEUR KULTUUR

KONSERTORKES: DIRIGENT

Selfoonnommer:  082 853 8698

Telefoonnommer (skool):  012 – 347 0277 X 130

Faksnommer:  086 512 8755