Geagte ouers.
Gun my asseblief die geleentheid om as Direkteur Kultuur
(die konsertorkes val onder my portefeulje) ‘n paar woorde met u te wissel.
Die Innibos Kunstefees is om die draai en daar is nog baie
wat gedoen moet word voor die toer.
Om betyds gereed te wees MOET ons nou elke naweek
oefen. Ek glo dat u dit sal verstaan en dat u ons hiermee sal ondersteun.
Ons oefen al die afgelope 10 jaar gedurende eksamentye slegs naweke – met groot
sukses. Ondersteun ons asseblief hierin want ons het u en u kind se hulp
en ondersteuning 100% nodig.
1.
AFRIGTER
Dit is dan nou so dat die orkes op die oomblik sonder
‘n afrigter is. Ek gaan intussen instaan as die skakelpersoon
totdat die nuwe afrigter heel moontlik al volgende week, aangestel sal word
deur die hoof. Eerskomende naweek se oefening sal dus voortgaan sodat die orkes
kan begin voorberei vir die Innibos Internasionale Kunstefees (sien punt 5.).
Die hoof is besig om persone te kontak om oor te neem
as afrigter. Sodra die hoof die aanstelling gemaak en my ingelig het, sal
ek u op hoogte bring.
Ek wil dit ook baie duidelik stel dat ek nie
beskikbaar is om weer as afrigter oor te neem nie. Ek gaan die nuwe
afrigter mentor om in te burger en seker te maak hy het die kinders se belange
op die hart en werk op bestaande werkswyses. Die konsertorkes is my
verantwoordelikheid as Direkteur Kultuur.
2.
OUERVERGADERING
Ek wil u versoek dat ons asseblief eerskomende
Donderdagaand om 19:00 in die ouditorium / personeekamer sal vergader om die
toekoms van die orkes te bespreek en moontlik die nuwe afrigter te
ontmoet. U almal se teenwoordigheid sal werklik hoog op prys gestel word.
Ons sal dan oor die volgende praat:
a. Oefenprogram
vir Innibos
c. Ouerbetrokkenheid
3.
OEFENPROGRAM
Die oefenprogram is nou van kardinale belang.
Kan ons asseblief hou by die reëling dat die orkes van nou af elke naweek oefen
tot en met die toer. Gedurende die week moet die kinders studeer vir die
eksamen. Elke kind se teenwoordigheid is uiters noodsaaklik. Ek wil
versoek dat die oud-orkeslede hul SA-program van 2013 sal afstof en sal inoefen.
Daar is NIE hierdie naweek
oefening of Eisteddfod nie. Die oefeninge begin aanstaande naweek Vrydag
(14:00 – 21:00) en Saterdag (08:30 – 17:00).
Die etereëling sal wees soos in die verlede.
Elke kind sit sy/haar R60etegeld in ‘n koevert met naam op en betaal die geld
direk in by Mev Anneke Vermaak. Ek verneem ook dat daar ongelooflik baie
etegelde uitstaande is.
Mev. Vermaak het u hulp dringend nodig met die help
van kos voorberei, opskep ens. Indien u bereid is om haar te help, skakel
haar dringend.
Indien u kans sien om
die kinders bietjie te bederf met hot chocolate, lang lewe melk en beskuit,
kontak asb ook dringend vir Anneke.
Innibos Kunstefees gaan defnitief voort. Ek glo
dat die orkes met harde werk sal kan voorberei.
Ek wil u dringend versoek
om die R3000 toergeld so gou moontlik by die skool in te betaal.
Die voorlopioge repertoire vir die
konsertorkes vir die Innibos Kunstefees sal dus soos volg wees:
a. Winter
Games
b. Hey
Jude
c. Michelle
met 2 backtracks
d. Lemon
Tree
e. Africa
f.
Cariné met 2 backtracks
g. Angels
h. Best
of Andrew Lloyd Webber
i.
Five Star Melody
Die reëling met die organiseerders vir Innibos Kunstefees
was dat ongeveer 2 tot 3 individuele musikante by die La Villa Vita Klassieke
Keur gaan speel. Ek het destyds Michelle en Cariné se name deurgegee en
dit was so aanvaar. Hier twee moet baie vinnig direk na afloop van die
orkesoptrede vervoer word na La Villa Vita. Daar is nie tyd om ‘n groep
te neem nie.
Kan u my asseblief dringend laat weet wie gaan saam
kunstefees toe.
Ons het u hulp nodig en wil graag op u knoppie druk.
Ek sal
volledige terugvoer aan u gee tydens die oueraand.
Vriendelike groete.
Danie
D.J.F. SMITH
HOëRSKOOL WATERKLOOF
DIREKTEUR KULTUUR
Sel: 082 853 8698
Tel (skool): 012 – 347 0277 X 130
Faks: 086 512 8755
No comments:
Post a Comment