Die SA's en Kaapse Toer is om die draai. Ons bly by
Picardie Guest Farm vir die duur van die toer. Dit lyk asof die toer op 'n hoogtepunt begin as mens na die verblyf kyk.
Hierdie is een van die kortste toere wat ons die afgelope paar jaar onderneem het maar die program is so saamgestel dat daar hierdie jaar ook genoeg tyd vir 'sports' is (die woord "pret" doen dit nou maar net nie vir my nie).
Na die geweldige druk van die SA's kompetisie word daar Sondag 'n bootrit in
Houtbaai beplan en die aand tree die orkes op by die
V&A waterfront.
Maandag is dit 'n kort besoek aan die
Taalmonument en die res van die dag op die strand by
Bikini Beach in Gordonsbaai (met moontlike informele optrede die aand wat nog bevestig moet word).
Dinsdag is dit
Ratanga Junction en wanneer ons terugkom by die gastehuis is dit tyd vir die kuier van alle kuiers. Hoe langer die kuier aanhou hoe beter want Woensdag vertrek ons terug huis toe en die wat moeg is kan in die bus slaap - dan is die pad soveel korter.
 |
| Die meisies se kamers |
 |
| Seuns se kamers |
 |
| Seuns se blyplek |
 |
| Uitsig vanaf sommige suites |
 |
| Die kuierplek |
 |
| Eetsaal |
 |
| Stoep voor die braaiplek |
 |
| Piekniek as die weer dit toelaat |
 |
| Die kelder waar die klere gestryk gaan word voor die SA's |
Kaap van storms maak gereed: Die Klofie-tornado is op pad!
No comments:
Post a Comment